Денес го одбележуваме Светскиот ден на прегратката, затоа, не чекајте, прегрнете некого денес, започнете да делите топли и искрени прегратки!
Светскиот ден на прегратката е можност да му покажете на светот дека мирот започнува токму од вас. Велат дека најдобрите мали задоволства во животот се бесплатни, а прегратката е една од нив. Со прегрнувањето испраќаме порака за љубов, грижа, пријателство, поддршка, утеха, благодарност… секоја прегратка поттикнува неповторливи емоции. Гушкањето , како и секој физички контакт меѓу луѓето, е од суштинско значење за здравствениот , социјалниот, психичкиот и физичкиот развој на секој човек.
Тргнувајќи од мотото „ Прегратката е мала секунда на вечноста“ ние, вработените во детската градинка „Срничка“, настојуваме, на децата уште е од најраната возраст да им покажеме колку е важна и благородна прегратката. И денес, преку едукативни текстови и игри, во чистата детска душа ќе ги разбудиме позитивните емоции, ќе поттикнеме емпатија и ќе потврдиме дека прегратката гради доверба, влева сигурност, раѓа љубов и топлина.
„ПРЕГРАТКАТА ВРЕДИ ИЛЈАДА ЗБОРОВИ“
„КОГА ПРЕГРНУВАШ ДЕТЕ, СЕКОГАШ БИДИ ПОСЛЕДНИОТ КОЈ ЌЕ ГИ ТРГНЕ РАЦЕТЕ. НИКОГАШ НЕ ЗНАЕШ КОЛКУ ДОЛГА ПРЕГРАТКА МУ Е ПОТРЕБНА“
